အချိုးအကွေ့
လမသာသော်လည်း ကြယ်စုံတို့၏အလင်းဖြင့် အေးစက်တိတ်ဆိတ်နေသော ဒီဇင်ဘာလလယ် ညတစ်ည၏ သန်းခေါင် ကာလကို လှပသော အ,ကာလဟု သတ်မှတ်နိုင်ပါသည်။ ည ဆယ့်နှစ်နာရီ သံချောင်းခေါက်သံနှင့် မရှေးမနှောင်းတွင် ကြားလိုက်ရသော ခွေးဟောင်သံများနှင့် ရောထွေးနေသည့် စစ်ဖိနပ်သံများသည် ထိုည၏ အလှကို ဖျက်ဆီးပစ်လိုက်လေသည်။
ထိုစစ်ဖိနပ်သံများကို ကြားကြားခြင်းမှာပဲ ကျမ ဖတ်လက်စ စာအုပ်ကို ချလိုက်သည်။ သူတို့ ဒီည ငါ့ဆီကိုများ ရောက်လာ မလားဟု သံသယတ၀က်နှင့် တွေးခဲ့မိသောအတွေး မှန်ခဲ့ပြီဖြစ်ကြောင်း ကျမသိလိုက်သည်။ သူတို့ ကျမဆီလာနေကြပြီ။ ငါးမိနစ်၊ ဆယ်မိနစ်ဝန်းကျင်ခန့်ကျမဖက်ကအချိန်ရလိုက်ပေမယ့် ကျမထွက်ပြေး ဖို့ မစဉ်းစားမိပါ။ ကျမနံဘေးတွင် အသက်ရှူသံ မှန်မှန်နှင့် အိပ်မောကျနေသည့်အဖွားကို စောင်းငဲ့ကြည့် လိုက်မိသည်။ အိပ်ခန်းထဲမှ အဖေ၏ စည်းချက် ညီသော ဟောက်သံကိုလည်း ကြားနေရသည်။
“အိမ်ရှင်တို့ ... အိမ်ရှင်တို့”
“ဧည့်စာရင်း စစ်မလို့ဗျို့”
“တံခါးဖွင့်ပါဦး”
အိပ်မောကျနေသော လူကြီးများက ရုတ်တရက် မနိုးသည့်မို့ အိမ်တံခါးကို ကျမကိုယ်တိုင် ဖွင့်လိုက်သည်။ ဒုတိယ အဆင့် ခြံတံခါး။
“ကျွိ ...”
ခြံတံခါး၏ ကျပ်နေသော ပတ္တာမြည်သံဆုံးဆုံးခြင်းမှာပဲ သေနတ်ကိုင်စစ်သား ဆယ့်ငါးယောက်တို့ ခြံထဲကို ဝေါခနဲ ပြေးဝင် လာသည်။ ပြီးတော့ ခြံအနှံ့ ထွက်ပေါက်မရှိအောင် နေရာယူကြ၏။ ကျမက မျှော်လင့်ထားပြီး သားမို့ တည်ငြိမ်နေပေမယ့် လူသူသံများကြောင့် အိပ်ရာမှနိုးလာကြသော အဖွားနှင့် မိဘများကတော့ ခြံထဲ မှာ ပြည့်နေသော စစ်သားများနှင့် အရပ်ဝတ် များကို ကြည့်ကာ တုန်လှုပ်ဟန် ပေါ်နေကြသည်။ သူတို့က ကျမ နာမည်ကို မေး၍ မှန်ကန်ကြောင်း အတည်ပြုစေသည်။ သူတို့ ရွတ်ဆိုပြသော နာမည်ပိုင်ရှင်မှာ ကျမဖြစ် ကြောင်း သေချာသွားသောအခါ ဤသို့ပြောလေသည်။
“ကျနော်တို့ ဘာကြောင့် ရောက်လာရသလဲ ... ခင်ဗျား ဘာတွေလုပ်ခဲ့သလဲဆိုတာ ခင်ဗျားသိမှာပါ”
ရုပ်ရည်သန့်ပြန့်သော်လည်း ကြင်နာမှုကင်းမဲ့ဟန် ထင်ရှားသော မျက်လုံးများရှိသည့် အရပ်ဝတ်နှင့်လူက ကျမမျက်နှာကို စေ့စေ့ကြည့်ရင်း ပြော၏။ ကျမက ခေါင်းမငြိမ့်၊ ခေါင်းမခါဘဲ သူ့မျက်လုံးများကို ပြန်၍ စေ့စေ့ကြည့်ကာ သူ့စကားကို ကျမ နားလည်ကြောင်း အဖြေပေးလိုက်သည်။ ခဏတာအချိန် အတွင်းမှာပဲ ကျမတို့ အိမ်တအိမ်လုံးကို အမှိုက်ပုံတခုသဖွယ် ဖြစ်သွားအောင် သူတို့ မွှေနှောက်ရှာဖွေကြသည်။ သူတို့ယူသွားမည်ဟု ရည်ရွယ်ကာ စုံပုံထားသော ပစ္စည်းပုံထဲတွင် ကျမ၏ တန်ဖိုးကြီး ရှားပါးသော စာအုပ်တွေပါသည်။ ပြီးတော့ ကက်ဆက်ခွေများနှင့် ကျမ၏ ဒိုင်ယာရီ။
“ခင်ဗျား ... ကျနော်တို့နဲ့ လိုက်ခဲ့ပါ”
အေးစက်သော မျက်လုံးပိုင်ရှင်၏ စကားသံအဆုံးမှာ အဖွားနှင့် အမေ၏ အာမေဋိတ်သံ။ တောင်းပန်တိုးလျှိုး ၍ အကြောင်း ရင်းကို မေးမြန်းသံများကို ကျောခိုင်းကာ ကျမ အ၀တ်အစား အပိုတစုံ၊ သွားတိုက်ဆေး၊ သွားပွတ်တံနှင့်အနွေးထည် တထည်တို့ကို အိတ်တလုံးထဲ ကောက်ထည့်သည်။ ကျမ ပစ္စည်းအိတ် အဆင် သင့်ပြင်ပြီးသောအခါ သွေးတိုးရှိသော အဖွားက သွေးများတက်ကာ ခေါင်းငိုက်စိုက်ကျနေပြီ။ အဖွားကို စိုးရိမ် တကြီး အော်ခေါ်နေသောအမေ့အသံ၊ အိမ်နီး ချင်းများနိုးလာကာ အဖွားကိုဝိုင်းဝန်းပြုစုဖို့ ပြင်ဆင်သံ၊ဆရာဝန် ခေါ်ဖို့ တိုင်ပင်နေကြသံများကို ချန်ထားခဲ့၍ သေနတ်ကိုင် စစ်သားများ ခေါ်ဆောင်ရာသို့ ကျမလိုက်ခဲ့ရသည်။
ငါးမိနစ်ခန့် လမ်းလျှောက်ရသော လမ်းထိပ်အရောက်မှာ သေနတ်ကိုင်စစ်သားနှစ်ယောက် စောင့်နေသော ရိန်းဂျားကား မည်းမည်းကြီးကို တွေ့ရ၏။ သူတို့က ကျမကို ကားပေါ်တက်ခိုင်းသည်။ ကျမကားပေါ်ရောက်၍ ထိုင်ခုံမှာ ထိုင်မိစမှာပဲ ကျမမျက်လုံးကို အ၀တ်မည်းကြီးနှင့် စည်းနှောင်လိုက်တာ ခံလိုက်ရသည်။ အဆုံးအစ မခန့်မှန်းနိုင်သော အမှောင်ခရီး တခုကို ကျမ စတင်ထွက်ခွာခဲ့ရပြီ။ ထိုခရီးအစမှာကတည်းက မေးခွန်းများ၊ အဖြေများနှင့် ပြည့်နှက်နေခဲ့သည်။
ကားက ပုံမှန်မြေပြင်ထက်မြင့်သော အနေအထားဆီ ဦးမော့မောင်းနှင်နေပြီဖြစ်ကြောင်း ခံစားမှုအရ သိလိုက် သည့်အချိန်မှာ ကျမလည်း ခေါင်းထဲက အမေးအဖြေများကို ခေတ္တရပ်တန့်လိုက်သည်။ ဘယ်အရာတွေကို ထုတ်ဖော်ပြော၍ ဘယ်အရာ တွေကို ထိန်ဝှက်ချန်လှပ်ထားရမည်လဲ ဆိုတာတွေကို ကန့်သတ်ပြီးစပြုပြီ။ မျက်လုံးကို စည်းထားသော်လည်း ရှူရှိုက်နေမိ သောလေ၊ ခံစားနေမိသော အေးစက်ငြိမ်သက်မှု၊ ကြားနေရ သော ညဥ့်လေညင်းနှင့် သစ်ရွက်များ ထိခတ်သံတို့ကြောင့် သစ်ပင်သစ်ရိပ် သိပ်သည်းသော ခြံဝန်းကျယ်တခု သို့မဟုတ် လူနေအိမ်ခြေမထူထပ်သော နေရာတစ်ခုမှာ ကားရပ်လိုက်ပြီး ဆိုတာ သိနေပြန်သည်။ သော့တွေ အထပ်ထပ်ဖွင့် တံခါးတွေ အထပ်ထပ်ဖြတ်ပြီး အခန်းတခုအတွင်းမှာ ကျမကို ထိုင်စေ သည်အထိ မျက်စိပေါ်က အ၀တ်မည်းကြီးကို ဖယ်ရှားမပေးကြပါ။
ကျမထိုင်နေရသော ထိုင်ခုံက ပုံမှန်သစ်သားခွေးခြေခုံဖြစ်သည်။ သို့သော် တွဲလောင်းချထိုင်ထားသော ကျမ ခြေထောက်တွေ ကြမ်းပြင်နှင့် ထိမနေအောင် မြင့်မားသော နောက်မှီမပါသည့် ခွေးခြေခုံရှည်ဖြစ်သည်။ ကားပေါ်မှာ ခံစားခဲ့ရသည့် အေးစိမ့် မှုက အခန်းထဲရောက်သွားတော့ နည်းနည်း သက်သာသွားသလို ထင်ရ သည်။ သို့သော်တခါမှမရောက်ဘူးသောနေရာ တခုရှိ တိတ်ဆိတ်နေသည့်အခန်းတခန်းထဲမှာ ညဥ့်သန်းခေါင် ကျော် လင်းခါနီးအချိန်အခါမျိုးကြီး၌ ကျမတယောက်တည်း ထိုင်နေရသည်ဆိုသည့်အသိက အရိုးထဲထိ စိမ့်လာ စေသည်။
ထိုအခန်းထဲတွင် သူတို့က ကျမကို အ၀တ်မည်းကြီး မျက်လုံးစည်းလျှက်နှင့် တနာရီကျော်ကျော် ကြာအောင် တယောက် တည်းထားခဲ့ကြသည်။ ဘယ်နေရာကမှန်းမသိ၊ ခပ်သဲ့သဲ့လွင့်ပျံ့လာသော နာရီသံချောင်း ခေါက်သံလေးချက်ကို ကြားရပြီး သိပ်မကြာခင်မှာ အခန်းထဲဝင်လာသော ခြေသံနှစ်စုံ သုံးစုံကိုကြားရ၏။ သူတို့ ကျမမျက်နှာပေါ်က အ၀တ်မည်းကို ခွာပေးကြသည်။
စစခြင်းမှာ မျက်လုံးတွေက ပိတ်စည်းခံထားရတာ ကြာခဲ့ပြီ ဖြစ်သဖြင့် ပြာမှိုင်းေ၀၀ါးနေသည်။ မျက်တောင် တဖျပ်ဖျပ်ခပ်ရင်း တစစ ထင်ရှားလာသော မြင်ကွင်းထဲတွင် ကျမရှေ့မှ စားပွဲခုံကို အရင်မြင်ရသည်။ ထိုသစ်သားစားပွဲ၏တဘက် ကျမနှင့် မျက်နှာချင်းဆိုင်ရှိ ကုလားထိုင်နှစ်လုံးတွင် လူနှစ်ယောက်ထိုင်နေ သည်။ ကျန်တယောက်ကတော့ လက်ပိုက်မတ်တတ် ရပ်လျှက် ကျမကို အသေအချာ စူးစမ်းကြည့်နေ၏။
ထိုင်နေသူနှစ်ယောက်ထဲမှ တယောက်က ကျမကို ခေါ်လာသည့် အေးစက်စက်မျက်လုံးနှင့်သူ။ နောက် တယောက်ကတော့ အသားညိုမည်းသော်လည်း အနည်းငယ်ပြုံးယောင်သန်း၍ ခုနကလူထက်တော့ ပျော့ပြောင်းဟန်ပေါ်သော မျက်လုံးတွေ၊ နှုတ်ခမ်းတွေရှိသည်။ မတ်တပ်ရပ်နေသူ၏ မျက်နှာကတော့ စားပွဲအလယ်လောက်မှာ တွဲလောင်းကျနေသည့် အုပ်ဆောင်း ပါသော မီးလုံးအလင်းရောင်၏ အဆောင်အရိပ်အောက်တွင် ရောက်နေသောကြောင့် သေသေချာချာ မမြင်ရပါ။
အခန်းက ကျမတို့ သက်ရှိလူသား လေးဦးသာရှိသော စားပွဲဝိုင်းနှင့် ယှဉ်လိုက်လျှင် အတော်ကျယ်ဝန်း သည်ဟု ဆိုနိုင်သည်။ အခန်းထဲမှာ မီးချောင်းတွေ ရှိပုံရသော်လည်း လောလောဆယ် ဖွင့်ထားသည့် မီးလုံးမှ အုပ်ဆောင်းအမိုးကြောင့် အခန်း အပေါ်က ခပ်မှောင်မှောင် ဖြစ်နေသည်။ အုပ်ဆောင်းအောက် မီးလုံးမှ နီကျင့်ကျင့် အလင်းရောင်များသည် အခန်းကျယ်ကြီး အနှံ့ မလုံမလောက် ပြန့်ကျဲကျနေလေသည်။
ကျမ၏ ညာဘက် ဆယ်ပေနီးပါးအကွာမှာတော့ မှန်အမည်းရောင်ဖြင့် ကာထားသော နံရံတခုရှိသည်။ နိုင်ငံခြားရုပ်ရှင် ကားတွေထဲမှာ မြင်ဖူးထားသောကြောင့် ထိုမှန်အမည်း၏ နောက်မှနေ၍ လူတချို့ ကျမကို ကြည့်နေခဲ့လိမ့် မည်။ ယခုလည်း ကြည့်နေကြလိမ့်မည်ဟု သိနေသည်။
“ကဲ ...”
မျက်လုံးအေးစက်သူက ကျမနာမည်ကို ပီပီသသနှင့် မာမာထန်ထန် ခေါ်လိုက်သည်။ အခန်းအနှံ့ မျက်လုံး ဝေ့၀ဲ စူးစမ်း နေသော ကျမက အသိစိတ်အားလုံးကို စုစည်း၍ သူ့ကို မျက်လုံးချင်း ဆိုင်လိုက်သည်။ ကျမတို့ နှစ်ဦး မျက်လုံးခြင်းဆုံလိုက် သည်နှင့် မျက်လုံးများကဲ့သို့ပင် အေးစက်သော သူ့နှုတ်ခမ်းက မေးခွန်းများ တရစပ် သွန်ကျလာတော့သည်။
ထိုနေ့ နံနက် အရုဏ်ကျင်းချိန်မှစကာ ကျမ သုံးညနှင့် လေးရက်လုံးလုံး မအိပ်ခဲ့ရပါ။ မေးပြီးသား မေးခွန်းများ ကိုပင် ရှေ့နောက်ပြောင်း၊ စကားလုံးများပြောင်း၍ ထပ်ကာထပ်ကာမေးကြသည်။ ကျမလည်း ထပ်ကာ ထပ်ကာ ဖြေရပါများ တာရော မအိပ်ရတာရောပေါင်း၍ ခေါင်းတွေ မူးနောက် ဝေသီလာသည်။ အထူးသတိ ထား၍ အဖြေတွေကို မလွဲချော် ရအောင် ဖြေနေရင်းကြားမှ တခါတလေ စကားအသုံးအနှုန်း လွဲသွားမိတတ် သည်။
“ပထမတခါ ဖြေတုန်းက အဲ့ဒီလို မဟုတ်ဘူး ...”
“နောက်တခေါက် သေသေချာချာ ထပ်ပြောစမ်း ...”
ထိုအခါမျိုးမှာ ဤသို့သော ဒေါသတကြီး အော်ဟစ် ငေါက်ငမ်းသံများနှင့် အတူ ကျမ၏ ၀မ်းဗိုက်နှင့် ကျောပြင် များပေါ်သို့ သူတို့ခြေထောက်တွေလွင့်ပျံလာတော့သည်။ ထိုခြေထောက်များတွင်စစ်ဖိနပ်ဝတ် ခြေထောက် တွေ လည်းပါ။ ကတ္တီပါ ဖိနပ်ဝတ်ခြေထောက်တွေလည်းပါ၊ ရှူးဖိနပ်ဝတ် ခြေထောက်တွေလည်းပါသည်။
နောက်ပိုင်းရက်တွေမှာ ညပိုင်း၌ ကျမကိုညလုံးပေါက်စစ်မေးခြင်း မပြုကြတော့ပါ။ ဒါပေမယ့် ယောက်ျားလေး များကို ရိုက်နှက်စစ်မေးသဖြင့် အော်ဟစ်ညည်းညူသံတွေကို ကြားနေရသောနေရာမှာ အိပ်စက်စေသည်။ တဖုန်းဖုန်း တဒိုင်းဒိုင်း ရိုက်နှက် ကန်ကြောက်သံများ၊ နာကျင်စွာ အော်ဟစ် ညည်းညူသံများသည် သုံးလေး ည အိပ်ရေး ပျက်ခဲ့ရသဖြင့် မှေးစင်း ငိုက်ကျလာနေသော ကျမ၏မျက်လုံးများကို အိပ်စက်ခြင်းဆီထိ မရောက် စေဘဲ မကြာခဏ ပြူးကျယ်ကာ ထိတ်လန့် စေခဲ့သည်။
သူတို့က နေ့စဉ် ထမင်းတပန်းကန်ပေါ်မှာ ဆီမပါ ပြားမပါ၊ ငါးဟင်းတတုံးပုံ၍ ကြွေးသည်။ အိပ်ရေးပျက် တာရော၊ စိတ်လှုပ်ရှားတာရော၊ ဟင်းက စားချင်စဖွယ်မရှိတာရော ပေါင်း၍ လုံးဝ စားချင်စိတ်မရှိပေမယ့် ကျမ၏ ရှေ့ခရီးက မရေရာသေးတာမို့ ရင်ဆိုင်ခံနိုင်ရည်ရှိစေရန် ကြိုးစား၍ ၀င်သလောက် ကြိတ်မှိတ်စားခဲ့ ရသည်။ တရက်မှာတော့ ကျမ အလွန်ပင်ပန်းနွမ်းနယ်ကာ မူးဝေနေခဲ့သည်။ အကန်အကြောက် ခံထားရ သော ၀မ်းဗိုက်တွေ နောက်ကျောတွေကလည်း တစစ်စစ်နာနေသဖြင့် ထမင်းက မကုန်ပါ။ ထမင်း မကုန် သဖြင့် ထမင်းပန်းကန်ကိုလည်း မဆေးဖြစ်လိုက်ပါ။
နောက်တနေ့ နံနက် ထမင်းလာပို့သောအခါ ညက ကျမမဆေးမိသော ထမင်းပန်းကန်ထဲမှလက်ကျန် ထမင်းတွေကို သွန်ပစ်ပြီး အပေါ်မှရေနှင့် ဝေါခနဲ လောင်းချ ရုံလောင်းချလာခဲ့သော နံစော်ပေကျံနေသည့် ပန်းကန်နှင့် ထမင်းထပ်ထည့် ခဲ့၏။ ထမင်းပန်းကန်ကို မြင်တာ နှင့် ကျမ ဝေါခနဲထိုးအန်တော့သည်။
ခေါင်းတွေက မူးနောက်နေသလို ရင်တွေကျောတွေက အောင့်နေသည်။ တချိန်တည်းမှာပင် ရင်ထဲကလည်း တစစ်စစ် နာကျင်နေသည်။ ကျမတို့၏ ယုံကြည်ချက်တွေ၊ အမှန်တရားအတွက် ရင်ဆိုင်တိုက်ပွဲဝင်ခဲ့ရမှုတွေ၊ ကိုယ်ကျိုးစွန့် အနစ်နာ ခံခဲ့ကြသော ကျမတို့၏ ရဲဘော်ရဲဘက်တွေကို နှစ်ပြားမတန်အောင် ပျစ်ပျစ်နှစ်နှစ် ဝေဖန်ခြိမ်းခြောက်သော စကားတွေကို အထပ်ထပ်ကြားရသောကြောင့် ဖြစ်သည်။
“ဘာသံယောဇဉ်နဲ့ အဲ့ဒီလူကို ကာကွယ်ထိမ်ဝှက်ပေးခဲ့ရတာလဲ”
“နိုင်ငံရေး လုပ်ချင်တာလား၊ အဲဒီလူတွေနဲ့ တပူးတွဲတွဲ နေချင်တာလား”
ရဲဘော်ရဲဘက်စိတ်နှင့် ကာကွယ်ထိမ်ဝှက်ပေးမိသူ တစုံတယောက်က ယောက်ျားလေး ဖြစ်နေခဲ့လျှင် အဲ့ဒီလူအကြောင်း ကိုလည်း သူတို့က တနည်းနည်းနှင့် တစွန်းတစသိသွားပြီဆိုလျှင်တော့ ကျမတို့၏ ယုံကြည်ချက်တွေ လုပ်ရပ်တွေကို လူမှုရေးနှင့် ရောထွေးပစ်ကာ သိက္ခာတပြားသားမှ မရှိတော့အောင် ပြောကြတော့သည်။ လုပ်ဖော်ကိုင်ဖက် အချင်းချင်း အထင်အမြင်လွဲစေသော စကားတွေ၊ ထင်ယောင် ထင်မှား သွေးခွဲစကားတွေကိုလည်း သူတို့ ပါးစပ်မှ မကြားချင်အဆုံး ဖြစ်သည်။
ကျမကို ခေါ်လာပြီး ဆယ်ရက်မြောက် နံနက်ခပ်စောစောမှာ ကျမရှိနေရာအခန်းထဲ သူတို့သုံးလေးယောက် ၀င်လာသည်။
“ပစ္စည်းတွေသိမ်းပါ”
သူတို့မျက်နှာပေါ်မှ အငွေ့အသက်များကိုကြည့်ကာ ထိုစကားက ကျမ၏ လက်ရှိအနေအထားအတွက် အဖြေ မဟုတ်ဘူး ဆိုတာ ခံစားမိသည်။ သို့သော် သူတို့ ငါ့ကို အိမ်များပြန်ပို့ကြတော့မလားဟု မျှော်လင့်တွေး ရိပ်ရိပ် ၀င်ခဲ့မိတာကိုလည်း
ဝန်ခံရမည်ဖြစ်ပါသည်။
အခန်းထဲမှ မထွက်မီ သူတို့ကျမမျက်နှာကို အ၀တ်မည်းကြီးစည်းကြပြန်သည်။ ပြီးတော့ ကျမကို လာခေါ်စဉ်က အသုံးပြု ခဲ့သည့် ကားဟုထင်သော ကားကြီးပေါ် တက်စေ၏။ အသံစုံမြည်နေသော ကားကြီးပေါ်တွင် ကျမ အပါအ၀င် လူလေးငါး ယောက်သာ ပါသည်ဟု ခန့်မှန်းရပါသည်။ ကျမဘေး တဖက်တချက်မှာတော့ သေနတ်ကိုင် စစ်သားနှစ်ယောက် ၀န်းရံ ထားတာ သေချာသည်။
ဆယ်ရက်နီးပါးမျှ ဝေးကွာခဲ့သော လူသံ ကားသံတွေ ကြားမှာဖြတ်သန်းသွားနေရတာမို့ ထိုအသံတွေက ကျမအတွက် ထူးဆန်းသလိုဖြစ်နေသည်။ ထိုအသံများကို အရသာခံ နားထောင်ရင်း ကျမရှေ့ဆက်ရဦးမည့် ခရီးအတွက် ကြိုတွေးစဉ်းစား နေခဲ့မိသည်။ ဘယ်နေရာကို ရောက်ရောက် မကြောက်နဲ့။ ဆက်ပြီးရင်ဆိုင်ကျော်ဖြတ်။ အမှန်တရားအတွက် တိုက်ပွဲဝင်။ ကိုယ့်ကိုကိုယ် အားပေးနေဆဲ လူသံတွေ ဆူညံသောနေရာတခုမှာ ကားရပ်သွားခဲ့သည်။
“ကဲ ... ရောက်ပြီ ... ဆင်းတော့”
ရင်းနှီးနေသော အမိန့်ပေးသံတခုအဆုံးတွင် သူတို့ ကျမမျက်နှာပေါ်မှ အ၀တ်မည်းကြီးကို ခွာချလိုက်သည်။ေ၀၀ါးနေသော မျက်လုံးတွေကို အရင်ဆုံး ကြည်လင်လာအောင် ကြိုးစားရပြန်သည်။ ကြိုးစားနေရင်းပင် ကျမ ရောက်ရှိနေသော နေရာကို စူးစမ်းရ၏။ တစစ ကြည်လင်လာသောအမြင်အာရုံထဲတွင်မြင့်မားသော အုတ်နံရံ ကြီးကို ကျမမြင်လိုက်ရသည်။ သူတို့က ကျမကို ထိုအုတ်နံရံခြေရင်းမှ တံခါးပေါက်တခုဆီ ခေါ်ဆောင်သွား ၏။ ဘာကြောင့်မှန်းမသိပေမယ့် ကျမပြုံးလိုက်မိသည်။
ကျမဘ၀၏ ကာလတခုကို “ထောင်”ဟူသော အ၀န်းအ၀ိုင်းထဲတွင် ဖြတ်သန်းရဦးမည်ဆိုတာ သေချာခဲ့ပြန် ပြီ။
ဂျပန်နိုင်ငံက ဂျီကဲအိဆေးရုံရဲ့ “ငှက်ကျားပုခက်” လုပ်ငန်းစတဲ့နေ့မှာပဲ မမျှော်လင့်တဲ့အထုပ်ကြီးတွေ ရောက်လာကြပါတယ်။ အခုဝန်ဆောင်မှုလုပ်ငန်းသစ်မှာ စီစဉ်ထားပုံကတော့ ဆေးရုံအဆောက်အဦးရဲ့မျက်နှာစာမှာ မလွယ်ပေါက်လေးတစ်ခုလုပ်ထားပါတယ်။ ဒီအပေါက်ကနေ မျှော်လင့်ချက်ကုန်နေတဲ့ သားသည်မိခင်တွေအနေနဲ့ မလိုချင်တဲ့ကလေးတွေကို လာပြီးစွန့်ပစ်ကြပါတယ်။ လူလည်းမသိစေရဘူး ၊ ကလေးအတွက်လည်း စိတ်ချရအောင် စီစဉ်ပေးထားတာပါ။ ဒါပေမယ့် ဘယ်သူမှမျှော်လင့်မထားတာကတော့ သုံးနှစ်သားကလေးတစ်ယောက် လာပြီးစွန့်ပစ်ခဲ့တာပဲ ဖြစ်ပါတယ်။ ဂျပန်တောင်ပိုင်း ကူမာမိုတိုမြို့က ဆေးရုံမှာလာပြီး စွန့်ပစ်ခံရတဲ့ ကလေးက သူ့အမေနဲ့အတူ လာခဲ့တာလို့ ဆရာဝန်တွေကို ပြောခဲ့တယ်။ ကလေးဟာသူ့နာမည်တောင် ပြောပြနိုင်တဲ့အတွက် သက်ဆိုင်ရာ အာဏာပိုင်တွေက ကလေးအဖေကို ရှာနိုင်ခဲ့ပါတယ်။ ဒီသတင်းကြောင့် ဂျပန်တွေ ခေါင်းနပန်းကြီးကုန်ကြတယ်။ ဂျိကဲအိဆေးရုံအစီအစဉ်ဟာ မိဘတွေ အလွယ်တကူ ကလေးစွန့်ပစ်အောင် အားပေးအားမြှောက်ပြုနေတယ်လို့ ဂျပန်ရှေးရိုးစွဲဝါဒီတွေက စွပ်စွဲနေကြချိန်မှာ ဒီဖြစ်ရပ်ဟာ ၀မ်းနည်းကြေကွဲစရာပါလို့ ဆိုကြပါတယ်။ အခုလို “ငှက်ကျားပုခက်” စီမံချက်ကိစ္စ လူပြောသူပြောများနေချိန် ပိုပြီးကြေကွဲစရာအဖြစ်တစ်ရပ် သုံးရက်လောက်အကြာမှာ ပေါ်ခဲ့ပါတယ်။ ဒါကတော့ မေလ ၁၈ ရက်နေ့က တစ်နှစ်သားကလေးကို ပလပ်စတစ်အိတ်နဲ့ ထုတ်ပြီးရေမြောင်းတစ်ခုထဲ ပစ်ထားလို့ ဂျပန်လူငယ်စုံတွဲတစ်တွဲကို ရဲကဖမ်းဆီးခဲ့တဲ့ ဖြစ်ရပ်ပါ။ လွန်ခဲ့တဲ့ လေးလလောက်ကလည်း မိဘတွေ လောင်းကစားဝိုင်းမှာ လောင်းကစားလုပ်နေလို့ ကလေးကို မော်တော်ဆိုင်ကယ် ပစ္စည်းထည့်တဲ့ အိမ်ထဲမှာ ထည့်ထားခဲ့တာ ကလေးဟာအသက်ရှုရပ်ပြီး သေဆုံးခဲ့ရပါတယ်။ ကမ္ဘာမှာ ကလေးမွေးဖွားနှုန်း အနိမ့်ဆုံးဖြစ်နေတဲ့ ဂျပန်လိုနိုင်ငံမျိုးမှာ ကလေးတစ်ယောက်ကို ပြုစုရတာ အကြပ်အတည်းကြီးတစ်ခုလို ဖြစ်နေပါတယ်။ ဂျပန်ကလေးသူငယ်တွေ တန်ဘိုးကြီးကြီးပေးဆပ်နေရသလို ဂျပန်လူ့အဖွဲ့အစည်းကလည်း ဒီလိုဖြစ်နေပါတယ်။ အစည်းပြေနေတဲ့ မိသားစုဘ၀ကို ကယ်တင်ဖို့ ဂျပန်နိုင်ငံအနေနဲ့ နည်းလမ်းရှာမတွေ့ရင်တော့ လူဦးရေတိုးနှုန်းနိမ့်ကျနေတဲ့ ဂျပန်နိုင်ငံရဲ့ အခြေအနေဟာ မျှော်လင့်ချက်မရှိသလို ဖြစ်နေပါတယ်။ ဒီကနေ့ ဂျပန်မိသားစု အသိုင်းအ၀ိုင်း တဖြည်းဖြည်းကျူံ့လာတာနဲ့အမျှ မိဘတွေအနေနဲ့ ဖိအားပေးမှုတွေ ပိုပြီးများလာတယ်လို့ ဆိုပါတယ်။ တစ်ချိန်တုန်းက ဂျပန်လူငယ်စုံတွဲတွေအနေနဲ့ မိသားစုအသိုင်းအ၀ိုင်းကနေပြီး အကြံဥာဏ်တွေ ၊ ထောက်ပံ့မှုတွေ ရခဲ့ပေမယ့် ဒီတနေ့ကာလမှာတော့ မြို့ပြဖွဲ့စည်းမှုတွေ တိုးချဲ့လာတာတွေ ၊ အလိုအလျောက် စက်ကိရိယာတွေ တပ်ဆင်လာမှုတွေကြောင့် မိသားစုနဲ့ ဆက်ဆံရေးတွေ အနေဝေးလာခဲ့ကြရပါတယ်။ တစ်နည်းအားဖြင့် ဂျပန်စုံတွဲလင်မယားတွေဟာ တစ်နေ့တစ်ခြား ပိုပြီးအထီးကျန်လာကြတယ် လို့ဆိုနိုင်ပါတယ်။ ဒါအတွက် စိတ်ဖိစီးမှုဖြစ်နေတဲ့ ကလေးရှင်မိဘတွေအနေနဲ့ အစိုးရကိုအားကိုးလာကြတယ်။ ၂၀၀၅ ခုနှစ်လောက်က ကလေးသူငယ် စောင့်ရှောက်ရေးရုံးနဲ့လားပြီး တိုင်ပင်ဆွေးနွေးခဲ့ကြတာ ၃၀၀၀၀ လောက်ရှိခဲ့ပါတယ်။ ၁၉၉၀ ခုနှစ်ကထက် အဆ ၃၀ ပိုများလာပါတယ်။ ပြဿနာဖြစ်လာရင်လည်း လွန်မှသိရတဲ့ အခြေအနေဆိုက်နေပါတယ်။ ဒါကြောင့်လည်းဖြတ်လမ်းနည်းနဲ့ ဖြေရှင်းတဲ့ ဂျိကဲအိဆေးရုံက “ငှက်ကျားပုခက်” လုပ်ငန်းပေါ်လာရတာပါ။ ဒါပေမယ့် ဒီအစီအစဉ်ကလည်း မတော်တဆကိုယ်ဝန်ရလာတဲ့ ဂျပန်စုံတွဲလူငယ်တွေအတွက် ရွေးစရာနည်းလမ်းသိပ်မရှိဘူးဆိုတာ သတိပေးသလိုဖြစ်နေပါတယ်။ ဒီလိုပြဿနာဖြစ်လာရင် စုံတွဲတော်တော်များများကတော့ ကိုယ်ဝန်ဖျက်ချတဲ့နည်းသုံးကြတယ်။ ဂျပန်မှာ ကိုယ်ဝန်ဖျက်ချတာကို ဥပဒေအရရော ကိုယ်ကျင့်တရားအရပါ တားမြစ်ထားတာ မရှိပါဘူး။ ကိုယ်ဝန်ဖျက်ချတဲ့နှုန်းက ၂၂.၂ ရာခိုင်နှုန်း ( ကိုယ်ဝန်ဆောင် ၁၀၀ မှာ ၂၂.၂ ဦး)ရှိပါတယ်။ အထူးသဖြင့် အသက် ၂၅နှစ် အောက်တွေများပါတယ်။ ဒါတောင် ဂျပန်မှာ လက်မထပ်မီ အတူတွဲနေတာတွေ ရှားပါးပါတယ်။ ကိုယ်ဝန်ဖျက်ချတာတွေ ရိုးနေသလောက် ကလေးမွေးစားတယ်ဆိုတာကလည်း မရှိသလောက်ဖြစ်နေပါတယ်။ ကလေးတွေအပေါ် အခုလို မတော်မတရားပြုမူတဲ့ မိဘဖြစ်သူတွေရဲ့ စိတ်ဖိစီးမှု ပြဿနာတွေ ဂျပန်မီဒီယာတွေက အာရုံစိုက်လာတဲ့အတွက် ဂျပန်အနေနဲ့ အခုလိုကြီးထွားလာတဲ့ လူမှုရေးအပုပ်ကြီးကို ရပ်တန့်အောင်လုပ်နိုင်မယ်လို့ မျှော်လင့်ချက်တွေ ရှိလာပါတယ်။ ရိုးရာအစဉ်အလာတန်ဖိုးတွေကို အလေးထားပါတယ်ဆိုတဲ့ ဂျပန်ဝန်ကြီးချုပ် အနေနဲ့ ပြိုကွဲနေတဲ့ ဂျပန်မိသားစုတွေကို ပြန်ပြီးဖာထေးချုပ်ပေးနိုင်လိမ့်မယ်လို့ ယူဆရပါတယ်။ ဂျပန်ကျန်းမာရေး ၀န်ကြီးဌာနကတော့ ကူညီရိုင်းပင်းရေး လုပ်ငန်းသစ်အတွက် ငွေကြေးသတ်မှတ်ထားပါတယ်။ စေတနာဝန်ထမ်း လူမှုရေးသမားတွေကို အကျဉ်းအကျပ်ထဲ ဆိုက်ရောက်နေတဲ့ မိသားစုတွေဆီသွားပြီး ကူညီထောက်ပံ့တဲ့ လုပ်ငန်းတွေ စလုပ်နေပါပြီ ၊ ဒါပေမယ့် ဒီအစီအစဉ်ဟာ ကံဆိုးရှာတဲ့ အချို့ကလေးတွေအတွက်တော့ အရမ်းကိုနောက်ကျနေပါပြီ ၊ သို့်သော်လည်း “ငှက်ဖျားပုခက်” အစီအစဉ်ကိုတော့ ရပ်ဆိုင်းသွားစေနိုင်မယ်လို့ မျှော်လင့်ရပါတယ်။ 
နေရာက နေ စာဖတ်နေသည်။